Beschreibung:
„The Way of the Stick“ is a klane Mischung aus Jump and Run und Kompfstüln. Zu Beginn des Spüs werdn dem Spüla aufm Büdschiarm olle Tostn onzeigt, die im Spü zur Steiarung des Strichmännchens nötig san. Gspüt wird in am klan Level, bei dem ma si a etwas furtbwegn konn. Des is vor oim wichtig, wann z vü Gegna auf amoi do san. Es kumman nämli immer wieda neiche Strichmandal, de uns ongreifn. Mia miasasn natürlich zrückschlogn und de bsiegn. Im Spü ist außadem a klana Lebenstronk vasteckt. Der füllt unsre Lebensonzeig wieda auf, wölche gonz obn links zu sengan san. Gleich drunter is de Punkteonzeig. Des Spü eignet si immer wieda fia Zwischenduarch, wann ma moi sane angstouten Aggressionen abbauen mecht. Gfördert wird hier nebn schnölln Denkn a a schnelle Reaktion, um de Gegner zu daledigen. A wenn des Spü grafisch ned sehr onspruchsvoi is, hot ma schnöll des Gfühl anes Actionhöldn, die ma aus dem Fernsehen kent. Des kummt vor oim auf, wann ma von vün Gegnan umstöllt is und es schofft olle zu Boden z’bringan.